नेत्र विक्रम चन्द (विप्लव) नेतृत्वको नेकपा निकट विद्यार्थी संगठन अखिल क्रान्तिकारीका एक केन्द्रीय सदस्य पक्राउ
नेत्र विक्रम चन्द (विप्लव) नेतृत्वको नेकपा निकट विद्यार्थी संगठन अखिल क्रान्तिकारीका एक केन्द्रीय सदस्य पक्राउ परेका छन् ।
जिल्ला प्रहरी कार्यालय दाङका अनुसार केन्द्रिय सदस्य हेमन्त जिसीलाई प्रहरीले घोराही बजार बाट पक्राउ गरेको हो ।
घोराहीको ट्राफिक चोकवाट शनिबार बेलुका जिसीलाई पक्राउ गरिएको एकजना प्रहरी अधिकारीले बताए ।
‘सुराकीको आधारमा हामीले जिसीलाई जिल्लाको लमहीवाट घोराही आउने बित्तिकै पक्राउ गरेका हौं,’ ती अधिकारीले भने ‘ पक्राउ परेका जिसीवारे थप अनुसन्धान भइरहेको छ।’
पक्राउ परेका जिसीलाई जिल्ला प्रहरी कार्यालय घोराहीमा राखिएको प्रहरीले बताएको छ ।
