चलचित्र “किशोरीका सपनाहरु”ले कर्णाली समाजमा परिवर्तन ल्याउँछ: निर्देशक अाचार्य
शुक्रराज अाचार्य
गमगडि, मुगु ।पब्लिक मिडिया सेन्टर चितवनको सहयोगमा कर्णाली कला तथा संस्कृतिक संरक्षणकाे मन्चकाे संयुक्त प्रस्तुति नेपाली कथानक चलचित्र “किशोरीका सपनाहरु”अबकाे केही दिनमा नै बजारमा सार्वजनिक हुने भएको छ । नेपाली कथानक चलचित्र “किशोरीका सपनाहरु”काे निर्देशक हरिकेश अाचार्यले याे चलचित्र जनचेतना तथा सन्देशमुलक चलचित्र रहेकाे र यसले अाफ्नाे कर्णाली प्रदेशकाे दुर्गम समाजमा बसाेवास गर्ने किशोरी र किशोरकाबिच रहेको जुन विभेद प्राकृतिक नभएर समाजले अाफै सिर्जना गरेको ठहर गर्नुहुन्छ ।
समाजमा अाधा भाग अाेगट्ने किशोरीहरुलाई यस्ता विभेदबाट मुक्त गरि समतामूलक,सुन्दर र न्यायपुर्ण समाजकाे निर्माण गरेर मात्र हामी सहि गन्तव्यमा पुग्न सक्छौ । त्यसै कारण अाफ्नाे चलचित्र ” किशोरीका सपनाहरु”ले नयाँ र विभेद रहित समाज निर्माण गर्न कर्णाली समाजमा ठुलो टेवा पुग्ने बताउँनु भयाे ।
याे चलचित्र किशोरीकाे पक्षमा बनाईएकाे छ ।समाजमा किशोरी र किशोरकाे समान भुमिका हुनु पर्नेमा पितृसक्ताकाे कारण किशोरकाे वर्चस्व र प्रभुत्व रहेको छ । यस चलचित्रमा किशोरीले भाेगेका पिडाकाे चर्चा गर्दै किशोरका प्रमुख भुमिकाकाे अन्त्य र किशोरी किशोर समानताकाे चाहना प्रकट गरेकाे छ ।
समाजमा किशोरीहरु पछि परेका नभई पछि पारिएका हुन भन्ने कुराकाे सन्देश व्यक्त गर्दै चलचित्रका निर्देशक अाचार्यले एक अर्काकाे सहयोग र सदभावबाट समाज अघि बढेमा नै किशोरीहरु किशोर सरह बन्ने कुराकाे उद्घाेष गरेका छन् ।
