• फिचर

    मुद्दा ब्युँत्याएकोप्रति विप्लवको कडा आपत्ति, सरकारको वार्ताको नाटक दमन गर्ने प्रपञ्च : विप्लव

  • काठमाडौँ : संसदीय व्यावस्थाकाे विरूद्ध् संघर्ष गर्दै अाएकाे नेपाल कम्युनिस्ट पार्टीका महासचिव विप्लवले आफ्ना पार्टीका प्रवक्ता र पीबीएमका नाममा अदालतले सफाइ दिइसकेको मुद्दा पुनः उल्ट्याइएको भन्दै कडा आपत्ति जनाएका छन् ।

    विप्लवले पुस १५ गते विज्ञप्ति जारी गर्दै भनेका छन्, ‘२०७५ पुस १३ गते सामाजिक दलाल सरकारले हाम्रा पार्टीका प्रवक्ता एवम् स्थायी समिति सदस्य कमरेड प्रकाण्ड र पोलिटब्युरो सदस्य जीवन्तका नाममा यसअघि नै हाम्रो पार्टीको निर्देशन र नेतृत्वमा जनताको निरन्तरको सङ्घर्षका कारण उनीहरूकै न्यायालयले खारेज गरिसकेको उदयपुर र सङ्खुवासभाका मुद्दा पुनः ब्यँुत्याएकोप्रति हाम्रो पार्टीको गम्भीर ध्यानाकर्षण भएको छ ।’

    उनले वार्तासम्बन्धमा पनि आफ्नो पार्टीको धारणा स्पष्ट पारेका छन् । उनले अहिलेसम्म सरकारले आफ्नो पार्टीलाई आधिकारिक पत्र नलेखेकाले वार्ता केवल दमन गर्ने प्रपञ्च भएको बताएका छन् । उनले भनेका छन्, ‘एकातिर वार्ताको हल्ला मात्र फिँजाउने तर अर्कोतिर आधिकारिक पत्र नै नपठाई हाम्रो पार्टीमाथि दमन गर्ने प्रपञ्च  सरकारले गरेको यी हर्कतले पुष्टि गरेको छ । उनीहरूको यस्तो हर्कतको हामी घोर भत्र्सना गर्दछौँ ।’

    महासचिव विप्लवले आफ्नो पार्टीका नेताहरूका विरुद्ध उनीहरूकै न्यायालयले खारेज गरेको मुद्दालाई पुनः ब्युँत्याउनु भनेको उनीहरूले भन्दै आएको मानवअधिकारको उल्लङ्घन मात्र नभएर उनीहरूले गर्दै आएको भ्रष्टाचार, जनतामा थोपरेको महँगीलाई वैधानिकता दिने काम भएकाले यसको सबै मानवअधिकारवादी, कानुन व्यवसायी र सच्चा लोकतन्त्रवादीहरूलाई विरोध गर्न पनि आह्वान गरेका छन् ।

    विज्ञप्तीमा याे सरकार सामाजिक फासिवादी रहेकाे अाराेप लगाइएकाे छ ।

    समाचार साभार www.eratokhabar.com

    फेसबुक प्रतिक्रिया

    सम्बन्धित शीर्षकहरु