चितवनका शीर्षक घिमिरेको शब्दमा नयाँ गीत सामाजिक सञ्जालमा चर्चा बटुल्दै

चितवन, साउन १३-

भरतपुरको गीतानगर स्थायी ठेगाना भई अमेरिकामा रहेका शीर्षक घिमिरेको शब्दमा नयाँ गीत बजारमा आए सँगै सामाजिक सञ्जालमा चर्चा बटुल्दै गएकाे छ ।

एकै दिनमा १ लाख जनाले हेरेकाे उक्त गीतमा पुष्पल खड्का र वर्षा राउतको अभिनय रहेको छ । घिमिरेका शब्दमा दीपक शर्माको संगीत रहेको गीतमा एरेन्जर नरेन्द्र वियोगीले संगीत संयोजन गरेका छन् । बुद्ध थापाले छायांकन गरेको भिडियोलाई विकास धमलाले सम्पादन गरेका छन् । जसमा कोरियोग्राफी सुबल थापाको रहेको छ । गीतको शब्दमा प्रेमी प्रेमिकाले मायाको कारण घरबार र सबथोक बिर्सिने विषयलाई देखाइएको छ । वर्षा र पुष्पलको रिल लाइफको यो कथालाई निर्देशक निकेश खड्काले शानदान तरिकाले भिडियोमा देखाउन सफल छन् । गीतमा सुन्दा नै अानन्द अाउने शब्द हरू समेटिएका छन ।